完整藏文原文 · 德格版页 当前仅加载第 62 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེས་ཆོས་ཐམས་ཅད་གཏི་མུག་མེད་པའོ། །བདག་ནི་ཉིང་མཚམས་སྦྱོར་བ་དང་དབྱེར་མེད་པ་ཉིང་མཚམས་སྦྱོར་བ་མེད་པ་ཤེས་པ་ལ་གནས་ཀྱིས། གཞན་དག་ཀྱང་ཉིང་མཚམས་སྦྱོར་བ་དང་དབྱེར་མེད་པ་ཉིང་མཚམས་སྦྱོར་བ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་
D201.062.0011b01.01པར་འགྱུར་ཏེ། དེ་ལ་ཉིང་མཚམས་སྦྱོར་བ་དང་དབྱེར་མེད་པ་ཉིང་མཚམས་སྦྱོར་བ་མེད་པ་ནི་ཉིང་མཚམས་སྦྱོར་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཉིང་མཚམས་སྦྱོར་བ་མེད་པ་ནི་ཉིང་མཚམས་སྦྱོར་བའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཉིང་མཚམས་
D201.062.0011b02.01སྦྱོར་བའི་རང་བཞིན་ལས་ཉིང་མཚམས་སྦྱོར་བ་མེད་པ་གཞན་མེད་པས་ཉིང་མཚམས་སྦྱོར་བའི་རང་བཞིན་ཉིད་ཉིང་མཚམས་སྦྱོར་བ་མེད་པའོ། །ཉིང་མཚམས་སྦྱོར་བའི་རང་བཞིན་ཉིང་མཚམས་སྦྱོར་བ་མེད་པ་ཤེས་པ་དེས་ཆོས་ཐམས་ཅད་ཉིང་མཚམས་སྦྱོར་བ་མེད་པ་སྟེ། འཇམ་དཔལ་
D201.062.0011b03.01དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། །
D201.062.0011b04.01བདག་ནི་སྦྱིན་པ་ལས་བྱུང་བའི་བསྡུ་བའི་དངོས་པོ་ཤེས་པ་ལ་གནས་ཀྱིས། གཞན་དག་ཀྱང་སྦྱིན་པ་ལས་བྱུང་བའི་བསྡུ་བའི་དངོས་པོའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་པ་ལས་བྱུང་བའི་བསྡུ་བའི་དངོས་པོ་ནི་གཏོང་བ་དང་བསྔོ་བ་གང་
D201.062.0011b05.01ཡིན་པའོ། །བདག་ནི་སྙན་པར་སྨྲ་བའི་བསྡུ་བའི་དངོས་པོ་ཤེས་པ་ལ་གནས་ཀྱིས། གཞན་དག་ཀྱང་སྙན་པར་སྨྲ་བའི་བསྡུ་བའི་དངོས་པོ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙན་པར་སྨྲ་བའི་བསྡུ་བའི་དངོས་པོ་ནི་བསམ་པ་དང་སྦྱོར་བ་གང་
D201.062.0011b06.01ཡིན་པའོ། །བདག་ནི་དོན་སྤྱོད་པའི་བསྡུ་བའི་དངོས་པོ་ཤེས་པ་ལ་གནས་ཀྱིས། གཞན་དག་ཀྱང་དོན་སྤྱོད་པའི་བསྡུ་བའི་དངོས་པོ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་སྤྱོད་པའི་བསྡུ་བའི་དངོས་པོ་ནི་བྱམས་པ་དང་སྙིང་རྗེ་གང་ཡིན་པའོ། །བདག་
D201.062.0011b07.01