完整藏文原文 · 德格版页 当前仅加载第 61 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱའི་སྐད་དུ། ཀྭན་ཇི་{ལིའུ་,ལེའུ་}ཕུ་ས་ཞང་ཤྱན་ཏེའུ་ཤིས་ཐྱན་ཀྱིན། བོད་སྐད་དུ། འཕགས་པ་བྱང་ཆུབ་སེམས་དཔའ་བྱམས་པ་དགའ་ལྡན་གནམ་དུ་སྐྱེ་བ་བླངས་པའི་མདོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་
D199.061.0296b01.01བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི་ཡུལ་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ།
D199.061.0296b02.01དེ་ནས་བཅོམ་ལྡན་འདས་མཚན་མོའི་ཐུན་དང་པོ་ལ། སྐུ་ལས་འོད་ཟེར་གསེར་གྱི་ཁ་དོག་ལྟ་བུ་བྱུང་ནས། རྒྱལ་བྱེད་ཀྱི་ཚལ་ལན་བདུན་བསྐོར་ཏེ། ཁྱིམ་བདག་སུ་ཏ་ཤ་ལ་སོགས་པ་འོད་ཀྱིས་རེག་པར་བྱས་ནས། འོད་གསེར་གྱི་ཁ་དོག་ལྟ་བུ་ནམ་མཁའ་ལ་སྤྲིན་བཞིན་དུ་
D199.061.0296b03.01ཁྱབ་པར་བྱས་ནས་མཉན་དུ་ཡོད་པའི་ཡུལ་ཀུན་ཏུ་གསེར་གྱི་ཁ་དོག་ལྟ་བུའི་མེ་ཏོག་ཆར་རབ་ཏུ་ཕབ་བོ། །འོད་གསེར་གྱི་ཁ་དོག་ལྟ་བུའི་ནང་ནས་སྤྲུལ་པའི་དེ་བཞིན་གཤེགས་པ་དཔག་ཏུ་མེད་པ་བརྒྱ་སྟོང་སྣང་བ་ཐམས་ཅད་ཀྱིས་གསུང་འཐུན་པར་བསྐལ་པ་འདི་ཉིད་དུ། བྱང་ཆུབ་
D199.061.0296b04.01སེམས་དཔའ་སྟོང་གི་དང་པོ་ལོག་པར་དད་སེལ་སངས་རྒྱས་པ་ནས། ཐ་མར་སྣང་མཛད་སངས་རྒྱས་པའི་དོན་བཀའ་སྩལ་ཏོ། །དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་ཤེས་ཀཽཎྜི་ནྱ་ཏིང་ངེ་འཛིན་ལས་ལངས་ནས་འཁོར་ཉིས་བརྒྱ་ལྔ་བཅུ་དང་། ཚེ་དང་ལྡན་
D199.061.0296b05.01པ་འོད་སྲུང་ཆེན་པོ་འཁོར་ཉིས་བརྒྱ་ལྔ་བཅུ་དང་། ཚེ་དང་ལྡན་པ་མཽད་གལ་གྱི་བུ་འཁོར་ཉིས་བརྒྱ་ལྔ་བཅུ་དང་། ཚེ་དང་ལྡན་པ་ཤཱ་རིའི་བུ་འཁོར་ཉིས་བརྒྱ་ལྔ་བཅུ་དང་། མ་ཧ་པ་ཤ་པ་ཏི་ལ་སོགས་པ་དགེ་སློང་མ་སྟོང་དང་། ཁྱིམ་བདག་སུ་ཏ་ཤ་ལ་སོགས་པ་དགེ་བསྙེན་ཕ་སུམ་སྟོང་
D199.061.0296b06.01དང་། བྱི་ཤྭ་ཁྲ་འཕོ་ཏ་ལ་སོགས་པ་དགེ་བསྙེན་མ་ཉིས་སྟོང་དང་། ཀུན་ཏུ་བཟང་པོ་ལ་སོགས་པ་བསྐལ་པ་བཟང་པོའི་བྱང་ཆུབ་སེམས་དཔའ་བཅུ་དྲུག་དང་། ཆོས་ཀྱི་རྒྱལ་བུ་འཇམ་དཔལ་གཞོན་ནུར་གྱུར་པ་ལ་སོགས་པ། བྱང་ཆུབ་སེམས་དཔའ་ལྔ་བརྒྱ་དང་། ལྷ་དང་། ཀླུ་
D199.061.0296b07.01