完整藏文原文 · 德格版页 当前仅加载第 61 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་འདི་ལྟ་བུ་འདིའི་སྣོད་དུ་འགྱུར་ཏེ། དེ་ནི་བཤད་པ་འདིའི་དོན་ཀུན་ཤེས་པར་འགྱུར་རོ། །ཤཱ་རིའི་བུས་སྨྲས་པ། འཇམ་དཔལ་འདི་ལ་ཅི་ཞིག་ཀུན་ཤེས་པར་འགྱུར། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་བཤད་པ་འདིའི་དོན་ཤེས་པར་འགྱུར་བ་ཅི་ཞིག་ཡོད་ན།
D196.061.0268b01.01འདི་ལ་ཅི་ཞིག་ཀུན་ཤེས་པར་འགྱུར་ཞེས་དེ་སྐད་འདྲི། ཤཱ་རིའི་བུས་སྨྲས་པ། འཇམ་དཔལ་ཆོས་ཟབ་མོ་བསྟན་པ་འདི་མངོན་སུམ་དུ་འགྱུར་བ་ཉུང་། འདི་ནི་ཡོངས་སུ་འཛིན་པར་འགྱུར་བ་ཉུང་ངོ་། །འཇམ་དཔལ་དགྲ་བཅོམ་པ་དང་། སློབ་པ་དང་། མི་སློབ་པ་རྣམས་ཀྱང་ས་ཕྱོགས་
D196.061.0268b02.01འདི་ལ་སྒྱིད་ལུག་པར་འགྱུར་ན་བྱིས་པ་སོ་སོའི་སྐྱེ་བོ་རྣམས་ལྟ་ཅི་སྨོས། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་དགྲ་བཅོམ་པ་རྣམས་ལ་ནི་ས་མེད་དོ། །དེ་ཅིའི་ཕྱིར་ཞེ་ན། འདི་ལྟར་དགྲ་བཅོམ་པ་ཡང་མེད་ན་ས་གང་ལ་དགྲ་བཅོམ་པ་གནས་པར་འགྱུར། དགྲ་བཅོམ་པ་དག་ནི་
D196.061.0268b03.01གནས་མེད་པས་རབ་ཏུ་ཕྱེ་བའོ། །དགྲ་བཅོམ་པ་དག་ནི་དམིགས་སུ་མེད་པས་རབ་ཏུ་ཕྱེ་བའོ། །དགྲ་བཅོམ་པ་དག་ནི་བརྗོད་པ་དང་། མི་བརྗོད་པ་ཤིན་ཏུ་ཆད་པས་རབ་ཏུ་ཕྱེ་བའོ། །དེ་ཅིའི་ཕྱིར་ཞེ་ན། འདི་ལྟར་དགྲ་བཅོམ་པ་དག་ནི་བརྗོད་པ་དང་། མི་བརྗོད་པ་ཡང་དག་པར་ཆད་པ་
D196.061.0268b04.01སྟེ་བཏགས་པ་མེད་པའོ། །དགྲ་བཅོམ་པ་དག་ནི་སར་དབྱེ་བ་དག་དང་བྲལ་བ། འདུས་མ་བྱས་ཀྱིས་རབ་ཏུ་ཕྱེ་བ། འཇུག་པ་མེད་པ། འདུས་མ་བྱས་ཀྱིས་རབ་ཏུ་ཕྱེ་བ་སྟེ། དགྲ་བཅོམ་པ་དག་ནི་འདུས་མ་བྱས་པ་གནས་པ་མེད་པ་ཡིན་ན་ཅི་ཞིག་དགྲ་བཅོམ་པ་དག་གི་སར་
D196.061.0268b05.01འགྱུར། དགྲ་བཅོམ་པ་དག་ནི་མིང་དང་གཟུགས་ཀྱིས་རབ་ཏུ་ཕྱེ་བ་མ་ཡིན་ནོ། །བྱིས་པ་སོ་སོའི་སྐྱེ་བོ་རྣམས་ནི་མིང་དང་གཟུགས་ལ་རྣམ་པར་རྟོག་གོ། །མིང་དང་གཟུགས་དེ་ཡང་རྟོག་པ་མེད་ཅིང་རྣམ་པར་རྟོག་པ་མེད་པར་དགྲ་བཅོམ་པ་རྣམས་ཀྱིས་ཤེས་ཏེ། དེའི་ཕྱིར་
D196.061.0268b06.01དགྲ་བཅོམ་པ་དག་ནི་མིང་དང་གཟུགས་ཀྱིས་རབ་ཏུ་ཕྱེ་བ་མ་ཡིན་ནོ། །བྱིས་པ་རྣམས་ཀྱང་མི་དམིགས། བྱིས་པའི་ཆོས་དང་། དགྲ་བཅོམ་པ་དང་། དགྲ་བཅོམ་པའི་ཆོས་རྣམས་ཀྱང་མི་དམིགས་སོ། །ནམ་མི་དམིགས་པ་དེའི་ཚེ་ན་མི་རྟོག་གོ། །ཀུན་ཏུ་མི་སྤྱོད་
D196.061.0268b07.01