完整藏文原文 · 德格版页 当前仅加载第 61 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་ཞེས་བྱ་བ་དང་། འཇིག་རྟེན་གྱི་ཁམས་དྲི་མ་མེད་པ་ན་དེ་བཞིན་གཤེགས་པ་བློ་གྲོས་རྣམ་པར་དག་པ་ཞེས་བྱ་བ་དང་། འཇིག་རྟེན་གྱི་ཁམས་དབང་པོ་ན་དེ་བཞིན་གཤེགས་པ་དབང་པོའི་བློ་གྲོས་ཞེས་བྱ་བ་ཡོད་དེ། དེའི་མཚན་བཟུང་བ་ཉིད་ཀྱིས་
D186.061.0152a01.01ལྷའི་དབང་པོར་འགྱུར་རོ། །འཇིག་རྟེན་གྱི་ཁམས་ཟླ་བ་ན་དེ་བཞིན་གཤེགས་པ་ཟླ་བ་རྒྱས་པ་དྲི་མ་མེད་པ་ཞེས་བྱ་བ་ཡོད་དེ། དེའི་མཚན་བཟུང་ཞིང་མཆོད་པས་ཉོན་མོངས་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འཇིག་རྟེན་གྱི་ཁམས་ཁྱད་པར་ཐོབ་པ་ན་
D186.061.0152a02.01དེ་བཞིན་གཤེགས་པ་ངན་འགྲོ་ཐམས་ཅད་ཞི་བར་མཛད་པ་ཞེས་བྱ་བ་ཡོད་དེ། དེའི་མཚན་བཟུང་ཞིང་མཆོད་པས་ངན་འགྲོ་ཐམས་ཅད་ལས་གྲོལ་བར་འགྱུར་རོ། །འཇིག་རྟེན་གྱི་ཁམས་ལེགས་པར་སྣང་བ་ན་དེ་བཞིན་གཤེགས་པ་སེམས་ཅན་ཐམས་ཅད་སྡུག་པར་མཐོང་བ་ཞེས་
D186.061.0152a03.01བྱ་བ་ཡོད་དེ། དེའི་མཚན་བཟུང་ཞིང་མཆོད་པས་འཇིག་རྟེན་པ་ཐམས་ཅད་མངོན་པར་དགའ་བར་འགྱུར་རོ། །རིགས་ཀྱི་བུ་མདོར་ན་དེ་བཞིན་གཤེགས་པ་དགའ་བའི་དཔལ་དང་། དེ་བཞིན་གཤེགས་པ་ཙན་དན་གྱི་དཔལ་དང་། དེ་བཞིན་གཤེགས་པ་དཔའ་བོ་དང་། དེ་བཞིན་
D186.061.0152a04.01གཤེགས་པ་བདུད་ཐམས་ཅད་ཀྱི་སྟོབས་རབ་ཏུ་འཇོམས་པ་དང་། དེ་བཞིན་གཤེགས་པ་གཙུག་པུད་ཅན་དང་། དེ་བཞིན་གཤེགས་པ་ཐམས་ཅད་སྐྱོབ་དང་། དེ་བཞིན་གཤེགས་པ་ལོག་པར་དད་སེལ་དང་། དེ་བཞིན་གཤེགས་པ་གསེར་ཐུབ་དང་། དེ་བཞིན་
D186.061.0152a05.01གཤེགས་པ་འོད་སྲུང་དང་། རྒྱལ་པོ་ཆེན་པོ་དེ་བཞིན་གཤེགས་པ་དེ་དག་མྱ་ངན་ལས་འདས་ནས་ལོ་བྱེ་བ་ཁྲག་ཁྲིག་བརྒྱ་སྟོང་ལོན་པའམ། མྱ་ངན་ལས་འདས་ནས་བསྐལ་པ་བརྒྱ་ལོན་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་བཟུང་བ་དང་། རིང་བསྲེལ་
D186.061.0152a06.01གྱི་མཆོད་རྟེན་བྱེད་དུ་འཇུག་པ་དང་། རི་མོ་དང་སྐུ་གཟུགས་བྱེད་དུ་འཇུག་པ་དང་། མར་མེ་དང་། སྤོས་དང་། མེ་ཏོག་དང་། དྲི་དང་བྱུག་པ་རྣམས་ཀྱིས་མཆོད་ཅིང་བཀུར་སྟི་བྱས་པ་དང་། བསླབ་པ་འཛིན་དང་། བརྟུལ་ཞུགས་དང་། དཀའ་ཐུབ་དང་། སྡོམ་པ་
D186.061.0152a07.01