完整藏文原文 · 德格版页 当前仅加载第 61 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཟིལ་གྱིས་གནོན་ཅིང་སྤ་བཀོང་ནས་གནས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེས་འདིར་སེམས་ཅན་རྣམས་གདུལ་བར་བྱ་བའི་ཕྱིར་ཏེ། ཚེ་དང་ལྡན་པ་གང་པོ་དེའི་ཕྱིར་བྱང་ཆུབ་སེམས་དཔའི་ཚུལ་ཁྲིམས་ནི་
D181.061.0042b01.01མཆོག་ཅེས་བྱ། གཙོ་བོ་དང་། རབ་མཆོག་དང་། གྱ་ནོམ་པ་དང་། བླ་ན་མེད་པ་དང་། གོང་ན་མེད་པ་ཞེས་བྱའོ། །ཚེ་དང་ལྡན་པ་གང་པོ་དཔེར་ན། རིའི་རྒྱལ་པོ་གངས་རི་ལ་རིའི་རྒྱལ་པོའི་ཡོན་ཏན་གང་དག་ཡོད་པ་དེ་དག་ནི་རི་གཞན་དག་ལ་མེད་དེ། དེས་ན་རི་རྣམས་ཀྱི་ནང་ན་
D181.061.0042b02.01རིའི་རྒྱལ་པོ་ཞེས་བྱ་བའི་མིང་ཐོབ་སྟེ། རིའི་རྒྱལ་པོ་གངས་རིས་ནི། རིའི་རྒྱལ་པོ་གངས་རི་ཞེས་བྱ་བའི་མིང་ཐོབ་བོ། །ཚེ་དང་ལྡན་པ་གང་པོ་དེ་བཞིན་དུ་ཉན་ཐོས་ཀྱི་ཚུལ་ཁྲིམས་དང་། རང་སངས་རྒྱས་ཀྱི་ཚུལ་ཁྲིམས་ནི་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བ་དང་བྲལ་བ་ཡིན་
D181.061.0042b03.01ལ། བྱང་ཆུབ་སེམས་དཔའི་ཚུལ་ཁྲིམས་ནི་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བ་དང་མ་བྲལ་ཏེ། དེའི་ཕྱིར་བྱང་ཆུབ་སེམས་དཔའི་ཚུལ་ཁྲིམས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་མིང་ཐོབ་བོ། །ཚེ་དང་ལྡན་པ་གང་པོ་གཞན་ཡང་བྱང་ཆུབ་སེམས་དཔའི་ཚུལ་
D181.061.0042b04.01ཁྲིམས་ཀྱིས་ནི་ཉན་ཐོས་ཀྱི་ཚུལ་ཁྲིམས་དང་། རང་སངས་རྒྱས་ཀྱི་ཚུལ་ཁྲིམས་ཟིལ་གྱིས་གནོན་ཏོ། །སྨྲས་པ། ཚེ་དང་ལྡན་པ་ཤ་ར་དྭ་ཏིའི་བུ་ཅིའི་ཕྱིར་ཟིལ་གྱིས་གནོན། སྨྲས་པ། ཚེ་དང་ལྡན་པ་གང་པོ་འདི་ལྟར་གང་གི་ཕྱིར་བྱང་ཆུབ་སེམས་དཔའ་ཚུལ་ཁྲིམས་ཐམས་ཅད་
D181.061.0042b05.01མཁྱེན་པ་ཉིད་དུ་ཡོངས་སུ་བསྔོས་པ་དེའི་ཕྱིར་བྱང་ཆུབ་སེམས་དཔའི་ཚུལ་ཁྲིམས་ཀྱིས་ཉན་ཐོས་རྣམས་ཀྱི་ཚུལ་ཁྲིམས་དང་། རང་སངས་རྒྱས་རྣམས་ཀྱི་ཚུལ་ཁྲིམས་ཟིལ་གྱིས་གནོན་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་བཀའ་སྩལ་པ། ཤ་ར་དྭ་
D181.061.0042b06.01ཏིའི་བུ་ལེགས་སོ་ལེགས་སོ། །དེ་བཞིན་གཤེགས་པ་ཁོ་ནའི་མཐུས་ཤ་ར་དྭ་ཏིའི་བུ་ཁྱོད་བྱང་ཆུབ་སེམས་དཔའ་རྣམས་ལ་བསྔགས་པ་བྱེད་པ་དང་། སྤྲོ་བ་སྨྲ་བ་ནི་ལེགས་ཏེ། ཤ་ར་དྭ་ཏིའི་བུ་དེ་དེ་བཞིན་ནོ། །ཤ་ར་དྭ་ཏིའི་བུ་དེ་དེ་བཞིན་ཏེ། བྱང་ཆུབ་སེམས་དཔའི་ཚུལ་ཁྲིམས་
D181.061.0042b07.01