完整藏文原文 · 德格版页 当前仅加载第 59 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་སྟོང་ན་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་མི་ཤེས་པ་མ་རྟོགས་པ་དག་ལས་མངོན་པར་འདུ་བྱེད་དེ། ལས་རྣམས་ཡོད་པས་སྲིད་པ་མངོན་པར་འགྲུབ་པར་བྱེད་དོ། །སྲིད་པ་ཡོད་པས་སྡུག་བསྔལ་མྱོང་བར་ཟད་དེ། འདི་ལ་ལས་མངོན་པར་འདུ་བྱེད་པ་
D170.059.0309a01.01ཡང་སུ་ཡང་མེད་ཅིང་སྲིད་པ་མངོན་པར་འགྲུབ་པར་བྱེད་པ་ཡང་མེད་དེ། དེ་ནི་ཆོས་རྣམས་ཀྱི་དོན་དམ་པའོ། །དཔལ་ལྡན་མ་འོན་ཀྱང་སེམས་ཅན་རྣམས་ཇི་ལྟར་དོན་དམ་པ་རྟོགས་པར་འགྱུར་སྙམ་ནས་ཐ་སྙད་ཉེ་བར་བཟུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་
D170.059.0309a02.01རྫོགས་པའི་སངས་རྒྱས་རྣམས་སེམས་ཅན་རྣམས་ལ་ཆོས་སྟོན་ཏོ། །དཔལ་ལྡན་མ་ཐ་སྙད་ནི་ཡང་དག་པ་མ་ཡིན་ཏེ། དེ་ཅིའི་ཕྱིར་ཞེ་ན། དེ་ལ་ཁོང་དུ་ཆུད་པར་བྱེད་པ་པོ་ཡང་མེད། དེ་ལ་ཤེས་པར་བྱེད་པ་ཡང་མེད་པའི་ཕྱིར་རོ། །དཔལ་ལྡན་མ་འདི་ལྟ་སྟེ་དཔེར་ན། དེ་བཞིན་
D170.059.0309a03.01གཤེགས་པས་སྤྲུལ་པ་སྤྲུལ་ཏེ། དེ་བཞིན་གཤེགས་པས་སྤྲུལ་པ་དེས་ཀྱང་སྤྲུལ་པ་གཞན་སྤྲུལ་ན་དེ་ལ་དེ་བཞིན་གཤེགས་པས་སྤྲུལ་པ་ཡང་གསོག་སྟེ་{བརྫུན་,རྫུན་}པ་སླུ་བའི་ཆོས་ཅན་ནོ། །སྤྲུལ་པས་སྤྲུལ་པ་གང་ཡིན་པ་དེ་ཡང་གསོག་སྟེ། {བརྫུན་,རྫུན་}པ་སླུ་བའི་ཆོས་ཅན་ནོ། །དཔལ་
D170.059.0309a04.01ལྡན་མ་དེ་བཞིན་དུ་གང་གིས་ཆོས་མངོན་པར་འདུས་བྱས་པ་དེ་ཡང་གསོག་སྟེ། {བརྫུན་,རྫུན་}པ་སླུ་བའི་ཆོས་ཅན་ནོ། །ཆོས་གང་མངོན་པར་འདུ་བྱ་བ་དེ་ཡང་གསོག་སྟེ། {བརྫུན་,རྫུན་}པ་སླུ་བའི་ཆོས་ཅན་ནོ། །གསོལ་པ་འདི་ལྟ་སྟེ། བཅོམ་ལྡན་འདས་ཀྱིས་སྟོང་པ་ཉིད་ཀྱི་འཁོར་ལོ་དང་། ངེས་
D170.059.0309a05.01པར་འབྱིན་པའི་འཁོར་ལོ་དང་། ངེས་པར་འབྱེད་པའི་འཁོར་ལོ་དང་། བསམ་གྱིས་མི་ཁྱབ་པའི་འཁོར་ལོ་དང་། བསྐོར་བ་མ་ལགས་པའི་འཁོར་ལོ་དང་། མཚུངས་པ་མ་མཆིས་པའི་འཁོར་ལོ་དང་། ཇི་ལྟ་བ་བཞིན་གྱི་འཁོར་ལོ་དང་། སྐྱེ་བ་མ་མཆིས་པའི་འཁོར་ལོ་དང་། དངོས་པོ་
D170.059.0309a06.01མ་མཆིས་པའི་འཁོར་ལོ་དང་། མཚན་ཉིད་མ་མཆིས་པའི་འཁོར་ལོ་འདི་བསྐོར་བ་ནི་ནམ་མཁའི་འཁོར་ལོ་འདི་བསྐོར་ལགས་སོ། །དེ་ནས་བྲམ་ཟེ་མོ་དཔལ་ལྡན་མས་ཙན་དན་གྱི་ཕྱེ་མ་སྤར་གང་བླངས་ཏེ། བཅོམ་ལྡན་འདས་ཀྱི་ཞབས་ལ་གཏོར་ནས་ཚིག་འདི་སྐད་ཅེས་བཅོམ་ལྡན་
D170.059.0309a07.01