完整藏文原文 · 德格版页 当前仅加载第 59 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་བྱེད་པ། །མ་འོངས་དུས་ན་དེ་དག་ཀུན། །རྐང་གཉིས་རྣམས་ཀྱི་མཆོག་ཏུ་འགྱུར། །ང་ཡིས་ཇི་སྐད་གསུངས་པ་བཞིན། །དྲང་སྲོང་མཆོག་བཞུགས་དེ་དག་ལྟར། །དེ་དག་ཚེ་ཡང་བསྐལ་པ་ནི། །བྱེ་བ་བསམ་ཡས་སྙེད་དུ་འགྱུར། །གང་ཞིག་སྐྱོབ་པ་དེ་དག་གི །
D164.059.0167a01.01མཚན་འདི་དག་ནི་འཛིན་འདི་ལ། །མེ་དང་ཆོམ་རྐུན་དུག་རྣམས་དང་། །མཚོན་གྱིས་ཚུགས་པར་མི་འགྱུར་རོ། །མཚན་འདི་དག་ནི་འཛིན་བྱེད་ན། །ཆུ་ཆེན་དག་གིས་དེ་མི་འཆི། །རྒྱལ་པོའི་གནོད་པས་མ་ཡིན་ཏེ། །དེ་ནི་ནམས་ཀྱང་ཆོས་མི་སྤོང་། །མཚན་
D164.059.0167a02.01མོ་ཐུན་ཚོད་དང་པོ་དང་། །གུང་དང་ཐ་མའང་དེ་བཞིན་ཏེ། །དུས་གསུམ་དག་ཏུ་མཚན་སྒྲོགས་དང་། །དྲང་སྲོང་མཆོག་ནི་དེ་དག་གི། །མཚན་རྣམས་སྔ་དྲོ་སྒྲོགས་བྱེད་ཅིང་། །ཉི་མའི་གུང་ལ་སྒྲོགས་བྱེད་དང་། །མཁས་པ་ནུབ་ཀར་སྒྲོགས་བྱེད་པ། །རྨི་ལམ་བཟང་པོ་
D164.059.0167a03.01མཐོང་བར་འགྱུར། །མཚན་རྣམས་བཟུང་ནས་དེ་འོག་ཏུ། །བསྐལ་པ་བྱེ་བ་སྟོང་རྣམས་སུ། །སྔོན་ཆད་སྡིག་པ་ཅི་བསགས་པ། །མི་དགེ་ཐམས་ཅད་བཤགས་པར་བྱ། །དེ་ཡིས་ལུས་ངག་ཡིད་ཀྱི་ལས། །མི་དགེ་གང་དག་བྱས་གྱུར་ན། །མཚན་རྣམས་བཟུང་
D164.059.0167a04.01ནས་དེ་འོག་ཏུ། །ཉེས་བྱས་དེ་ཡང་བཤགས་པར་བྱ། །ཡན་ལག་ལྔ་ཡིས་གཏུགས་ནས་ནི། །རྒྱལ་རྣམས་བྱང་ཆུབ་སྔོན་རོལ་དུ། །དུས་གསུམ་དགེ་བ་ཅི་བསགས་པ། །དེ་ཀུན་རྗེས་སུ་ཡི་རང་བྱ། །འཇིག་རྟེན་རྩ་ལག་རྣམས་ཀྱིས་ནི། །བྱང་ཆུབ་བརྙེས་
D164.059.0167a05.01ནས་ཆོས་གསུངས་དང་། །ལུས་ཅན་གང་དག་འཇིག་རྟེན་གྱི། །མགོན་པོ་རྣམས་ལ་མཆོད་བྱེད་པ། །དེ་ལ་རྒྱལ་བའི་སྲས་རྣམས་ཀྱིས། །ཉིན་མཚན་དུས་གསུམ་ཡི་རང་བྱ། །དེས་ན་བདག་གཞན་དོན་བྱེད་པའི། །ཕ་རོལ་ཕྱིན་པ་རྫོགས་པར་འགྱུར། །བཅོམ་
D164.059.0167a06.01ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྒྱལ་པོ་གཟུགས་ཅན་སྙིང་པོའི་སྲས་ཁྱེའུ་རིན་ཆེན་ཟླ་བ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་
D164.059.0167a07.01