'phags pa sgo mtha' yas pa sgrub pa zhes bya ba'i gzungs/
当前为德格木刻版 295b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 295b
- 可引用原文
- 7 行
- 全文规模
- 全经 135 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 56 函 · 德格 295b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཆོས་ཐམས་ཅད་མྱ་ངན་ལས་འདས་པར་འཇུག་པ་ཁོང་དུ་ཆུད་པ་སྟེ། དེ་ལྟར་ཡི་གེ་འབྲུ་བརྒྱད་པོ་དེ་དག་གི་དོན་ཁོང་དུ་ཆུད་པར་རྟོགས་པར་བྱ་བ་འདི་ནི་དོན་ཁོང་དུ་ཆུད་པ་དང་པོའོ། །གཟུངས་ཀྱི་ཆོས་ཀྱི་རྣམ་གྲངས་འདི་ལེགས་པར་བྲིས་ཏེ། གཟུང་བར་བྱ་བ་འདི་ནི་དོན་ཁོང་དུ་ཆུད་པ་གཉིས་པའོ། །ཟླ་བ་ཕྱེད་ཕྱེད་ཅིང་གཟུངས་ཀྱི་ཆོས་ཀྱི་རྣམ་གྲངས་འདི་རྟག་ཏུ་ཀློག་པ་དང་། རྗེས་སུ་དྲན་པར་བྱ་བའི་ཕྱིར་བརྩོན་པར་བྱ་བ་འདི་ནི་དོན་ཁོང་དུ་ཆུད་པ་གསུམ་པའོ། །གཟུངས་ཀྱི་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པའི་བྱང་ཆུབ་སེམས་
དཔའ་སེམས་དཔའ་ཆེན་པོས། སེམས་ཅན་ཐམས་ཅད་ཡང་དག་པར་དགའ་བར་བྱ་བ་དང་། ཡང་དག་པར་འཛིན་དུ་གཞུག་པ་དང་། ཡང་དག་པར་གཟེངས་བསྟོད་པ་ལ་གཟུད་པའི་ཕྱིར་བརྩོན་པར་བྱ་བ་འདི་ནི་དོན་ཁོང་དུ་ཆུད་པ་བཞི་པ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། གཟུངས་འདི་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཡི་གེ་འབྲུ་བརྒྱད་འདི་དག་བསམ་པར་བྱ། །མདོ་སྡེ་འདི་ནི་བྲིས་ནས་བཅང་བར་བྱ། །
ཟླ་བ་ཕྱེད་ཅིང་རྟག་ཏུ་བཀླག་པར་བྱ། །སེམས་ཅན་རྣམས་ཀྱང་འདི་འཛིན་གཞུག་པར་བྱ། །ཤེས་རབ་རྒྱ་ཆེན་བྱང་ཆུབ་ཉེ་བ་སྟེ། །ཕྱོགས་བཅུ་རྣམས་ན་སངས་རྒྱས་གང་སུ་དག །བཞུགས་པ་ཐམས་ཅད་དེས་ནི་མདུན་དུ་མཐོང་། །དེའི་ཕྱིར་འདུན་པ་བསྐྱེད་དེ་འདི་ལ་བསླབ། །ཤཱ་རིའི་བུ་བཞི་པོ་འདི་དག་ནི་གཟུངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕན་ཡོན་ཡིན་ཏེ། བཞི་གང་ཞེ་ན། འདི་ལྟ་སྟེ། ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་དེ་ལ་དགོངས་པ་དང་།
དེ་ལ་བདུད་ཀྱི་ལས་མི་འབྱུང་བ་དང་། དེའི་ལས་ཀྱི་སྒྲིབ་པ་མྱུར་དུ་འབྱང་བ་དང་། སྤོབས་པ་རྒྱུན་མི་འཆད་པ་མྱུར་དུ་འཐོབ་པ་སྟེ། ཤཱ་རིའི་བུ་བཞི་པོ་དེ་དག་ནི་གཟུངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕན་ཡོན་ཡིན་ནོ། །དེ་ནས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D140
- 德格版页
- 295b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0140 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。