完整藏文原文 · 德格版页 当前仅加载第 56 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚལ་དུ་དོང་སྟེ། བསམ་གཏན་གྱི་ཏིང་ངེ་འཛིན་ཉིན་ཞག་བདུན་བསྒོམས་པས་ཐམས་ཅད་ཀྱིས་དགྲ་བཅོམ་པ་ཐོབ་པར་གྱུར་ནས། བཅོམ་ལྡན་འདས་གང་ན་བ་དེར་ལྷགས་ཏེ། སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
D137.056.0185a01.01ཅག་ནི་སངས་རྒྱས་ཀྱིས་བསྟན་པ་བཞིན་འཁོར་བ་ལས་ཐར་ཏེ་བླ་ན་མེད་པའི་འབྲས་བུ་ཐོབ་བོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ཐོབ་ན་ཆོ་འཕྲུལ་བསྟན་པའི་དུས་ལ་བབ་བོ་ཞེས་བཀའ་སྩལ་པ་དང་། དགེ་སློང་ལྔ་བརྒྱ་རྣམས་སྟེང་གི་བར་སྣང་ལ་འཕགས་
D137.056.0185a02.01ཏེ། ཉལ་བ་དང་། འདུག་པ་དང་། འགྲོ་བ་དང་། སྡོད་པ་དང་། ལུས་ལ་མེ་དང་། ཆུ་ལ་སོགས་པ་འབྱུང་བའི་ཆོ་འཕྲུལ་རྣམ་པ་{བཅྭ་,བཅོ་}བརྒྱད་མངོན་པར་བསྟན་ཏེ། དེའི་ཚེ་མང་དུ་ཐོས་པའི་དགེ་སློང་རྣམས་བསམ་གཏན་བསྒོམས་པས་མཽད་གལ་གྱི་བུ་ཆེན་པོ་དང་འདྲ་བར་
D137.056.0185a03.01རྫུ་འཕྲུལ་ཐ་མི་དད་པར་གྱུར་ཏོ། །དེ་ནས་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དམ་པའི་ཆོས་འདི་དེ་བཞིན་གཤེགས་པ་མྱ་ངན་ལས་འདས་ནས་ཇི་སྲིད་དུ་གནས་ཤིང་དུས་ངན་པའི་ཚེ་སེམས་ཅན་ཇི་སྙེད་ཅིག་ཆོས་འདི་བསྒོམས་པས། དགེ་སྦྱོང་
D137.056.0185a04.01གི་འབྲས་བུ་བཞི་ཐོབ་པར་འགྱུར། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། དེང་ཕྱིན་ཆད་དཔྱིད་ཟླ་འབྲིང་པོ་ལ་རྩ་མཆོག་གི་གྲོང་ཁྱེར་དུ་མྱ་ངན་ལས་འདའོ། །ང་མྱ་ངན་ལས་འདས་ནས་ལོ་བརྒྱད་ཅུའི་བར་དུ་ཆོས་ལ་སྤྱོད་པའི་སེམས་ཅན་མང་དུ་འབྱུང་སྟེ། དུར་ཁྲོད་དང་ཤིང་
D137.056.0185a05.01དྲུང་ན་གནས་ཤིང་འདི་ཡིད་ལ་བྱེད་དེ། རྟོག་པ་དང་། བསལ་བ་དང་། འཇུག་པ་དང་། སྤོང་བའི་ཆོས་སྤྱོད་པ་སྟོང་ཕྲག་བཅུ་ལ་སྟོང་ཕྲག་དགུས་དགེ་སྦྱོང་གི་འབྲས་བུ་བཞི་ཐོབ་པར་འགྱུར་རོ། །ལོ་སུམ་བརྒྱའི་བར་དུ་ནི་སེམས་ཅན་སྟོང་སྟོང་ཕྲག་བཅུས་དགེ་སྦྱོང་གི་
D137.056.0185a06.01འབྲས་བུ་བཞི་འཐོབ་པར་འགྱུར་རོ། །ལོ་སུམ་བརྒྱ་ཕན་ཆད། ལོ་ལྔ་བརྒྱ་ཚུན་ཆད་ནི་ངའི་ཉེ་གནས་རྣམས་བགས་ཀྱིས་མི་དགེ་བའི་ཆོས་སྤྱོད་དོ། །ཕྲག་དོག་གི་སེམས་ཀྱིས་ལོག་པའི་འཚོ་བས་འཚོ་བར་འགྱུར་རོ། །སྟོང་ཕྲག་ལྔ་བརྒྱ་ལ་སྟོང་ཕྲག་བཅུས་དགེ་སྦྱོང་གི་འབྲས་བུ་ཐོབ་པོ། །
D137.056.0185a07.01