完整藏文原文 · 德格版页 当前仅加载第 49 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་ཁོང་དུ་ཆུད་པ་དང་། སུས་ཁོང་དུ་ཆུད་པར་འགྱུར་བའི་ཆོས་དེ་ལ་ངེས་པར་བརྟག་པར་བྱ་སྟེ། ཅི་ལུས་ཀྱིས་ཁོང་དུ་ཆུད་དམ། འོན་ཏེ་སེམས་ཀྱིས་ཁོང་དུ་ཆུད། གལ་ཏེ་ལུས་ཀྱིས་ཁོང་དུ་ཆུད་དུ་ནི་ལུས་ནི་བེམས་པོ། གཡོ་བ་མེད་པ་དང་། རྩྭ་
D109.049.0285b01.01དང་། ཤིང་དང་། རྩིག་པ་དང་། བོང་བ་དང་། མིག་ཡོར་ལྟ་བུ་སྟེ། སེམས་མེད་པ། འབྱུང་བ་ཆེན་པོ་བཞི་ལས་གྱུར་པ། ཕ་མའི་མི་གཙང་བ་ལས་བྱུང་བ་དང་། མི་རྟག་པ་དང་། རྟག་ཏུ་བསྐུ་བ་དང་། བཀྲུ་བ་དང་། མཉེ་དགོས་པ་དང་།
D109.049.0285b02.01འཇིག་པ་དང་། རྣམ་པར་འགྱེས་པ་དང་། རྣམ་པར་འཇིག་པའི་ཆོས་ཅན་ནོ། །སེམས་ནི་སྒྱུ་མ་དང་མཚུངས་པ། རྟེན་ཅིང་འབྲེལ་པར་འབྱུང་བ། གནས་མེད་པ། མཚན་ཉིད་མེད་པ། དངོས་པོ་མེད་པ། བླ་གབ་མེད་པའོ། །བྱང་ཆུབ་ནི་
D109.049.0285b03.01མིང་ཙམ་ཐ་སྙད་ཙམ་སྟེ། སྒྲ་སྐད་མེད་པ། དཔྱད་དུ་མེད་པ། གྲུབ་པ་མེད་པ། རྒྱུ་བ་མེད་པ། འཇུག་པ་མེད་པ། རྣམ་པར་རིག་པ་མེད་པ། གདགས་པར་བྱ་བ་མ་ཡིན་པ། འོང་བ་དང་འགྲོ་བ་ལས་ཡང་དག་པར་འདས་པ། གདགས་པ་ལས་
D109.049.0285b04.01ཡང་དག་པར་འདས་པ། ཁམས་གསུམ་པ་ལས་ཡང་དག་པར་འདས་པ། མ་མཐོང་བ། མ་ཐོས་པ། བྱེ་བྲག་མ་ཕྱེད་པ། གཞི་མེད་པ། དམིགས་པ་མེད་པ། རྒྱུ་བ་མེད་པ། སྤྲོས་པ་མེད་པ། འཇུག་པ་མེད་པ། བརྟག་ཏུ་མེད་པ། དཔག་ཏུ་མེད་པ། བསྟན་
D109.049.0285b05.01དུ་མེད་པ། སྒྲ་མེད་པ། ཡི་གེ་མེད་པ། ཚིག་གི་ལམ་མེད་པའོ། །དེ་ལྟར་ན་སུ་མངོན་པར་རྫོགས་པར་འཚང་རྒྱ། གང་གིས་མངོན་པར་རྫོགས་པར་འཚང་རྒྱ། མངོན་པར་རྫོགས་པར་འཚང་རྒྱ་བར་བྱ་བ་ནི་གང་ཡིན། ཆོས་འདི་དག་ཐམས་ཅད་ནི་མིང་
D109.049.0285b06.01ཙམ། བཏགས་པ་ཙམ། བརྡ་ཙམ། ཐ་སྙད་ཙམ་སྟེ། བརྟགས་པ། ཡོངས་སུ་བརྟགས་པ། མ་བྱུང་བ། བྱུང་བ་མེད་པ། རྫས་མ་ཡིན་པ། རྫས་མེད་པ། ལེན་པ་མེད་པ། བསྟན་དུ་མེད་པ། མངོན་པར་ཆགས་པ་མེད་པ་ཡིན་ཏེ། དེ་ལ་ནི་
D109.049.0285b07.01