完整藏文原文 · 德格版页 当前仅加载第 48 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་ཁྱེའུ་སྣང་བ་བསམ་གྱིས་མི་ཁྱབ་པ་ལ་འདི་སྐད་ཅེས་བཀའ་སྩལ་ཏོ། །ཁྱེའུ་རས་བཅོས་བུའི་ཟུང་འདི་ལོང་ལ་གྱོན་ཅིག །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པ་བཅོམ་ལྡན་འདས་ག་ལ་བ་དེར་དོང་སྟེ། པུས་མོ་གཡས་པའི་ལྷ་ང་ས་ལ་བཙུགས་
D103.048.0280a01.01ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ཀྱི་སྤྱན་སྔར་རས་བཅོས་བུའི་ཟུང་བླངས་ནས་བགོས་སོ། །དེ་ནས་བཅོམ་ལྡན་འདས་གྲོང་ཁྱེར་ཆེན་པོ་མཉན་ཡོད་དུ་བསོད་སྙོམས་ལ་གཤེགས་སོ། །དེ་ན་སྐྱེས་པ་དང་། བུད་མེད་དང་། ཁྱེའུ་དང་།
D103.048.0280a02.01བུ་མོ་དང་། ཚོང་དཔོན་དང་། བྲམ་ཟེ་དང་། ཁྱིམ་བདག་དང་། རྒྱལ་པོ་དང་། བློན་པོ་ཆེན་པོ་དག་ངོ་མཚར་དུ་གྱུར་ཏེ། ཁྱེའུ་སྣང་བ་བསམ་གྱིས་མི་ཁྱབ་པ་ལ་བལྟ་བ་དང་། བཅོམ་ལྡན་འདས་ལ་ཡང་བལྟ་བ་དང་། ཕྱག་བྱ་བ་དང་། མཆོད་པའི་ཕྱིར་འདུས་པར་གྱུར་ཏོ། །
D103.048.0280a03.01དེ་ནས་བཅོམ་ལྡན་འདས་མཐར་གྱིས་བསོད་སྙོམས་བཞེས་ཏེ། ཁྱེའུ་སྣང་བ་བསམ་གྱིས་མི་ཁྱབ་པའི་མའི་ཁྱིམ་ག་ལ་བ་དེར་གཤེགས་སོ། །གཤེགས་ནས་ཀྱང་ཅང་མི་གསུང་བར་ཕྱོགས་གཅིག་ཏུ་བཞུགས་སོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པའི་མ་ངོ་ཚ་ནས། བཅོམ་ལྡན་འདས་
D103.048.0280a04.01ལ་བལྟ་བའི་ཕྱིར་སྒོར་མ་བྱུང་ངོ་། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པ་རང་གི་ཁྱིམ་དུ་སོང་ནས། མ་ལ་ཚིགས་སུ་བཅད་དེ་སྨྲས་པ། བདག་གི་སྔོན་གྱི་ནོངས་པ་ཡིས། །ཁྱོད་ཀྱི་མངལ་དུ་བདག་མཆིས་ཏེ། །ཡུམ་གྱིས་ནོངས་པ་མ་ལགས་ཀྱིས། །འོ་ལྟར་གནོད་པར་མ་མཛད་
D103.048.0280a05.01ཅིག །ཐུགས་བརྩེ་ལྡན་ཏེ་བསྐྱེད་པས་ན། །བདག་གི་སྦྱིན་གནས་ཁྱོད་ལགས་སོ། །ཞལ་ཚ་མ་མཛད་མ་འཛེམ་པར། །དེ་བཞིན་གཤེགས་པའི་དྲུང་དུ་བཞུད། །དེ་ལྟར་ཁྱོད་མངལ་བདག་མཆིས་པ། །ཁྱོད་ཀྱིས་བརྙེས་པ་ལེགས་པར་བརྙེས། །ལུས་ཀྱི་དགེ་བའི་ལས་
D103.048.0280a06.01རྣམས་ཀྱང་། །རྣམ་པར་འདྲེན་ལ་ཞུ་བ་མཛོད། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་ལྷའི་མེ་ཏོག་མན་དཱ་ར་བ་དག་དང་། ལྷའི་སྤོས་དག་དང་། ལྷའི་གོས་དག་བདག་ལ་སྩོལ་ཅིག །དེ་དག་བདག་གི་སྐྱེད་པའི་མ་འདི་ལ་སྩལ་ཏོ། །
D103.048.0280a07.01