完整藏文原文 · 德格版页 当前仅加载第 46 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་དཔལ་གཞོན་ནུར་གྱུར་པ་ལ་བཟོད་པར་གསོལ་ཅིག་དང་དེ་ནས་གཏོང་བར་འགྱུར་རོ། །དེ་ནས་འཇམ་དཔལ་གྱི་བྱིན་གྱི་རླབས་ཀྱིས་བདུད་ཀྱིས་ལྷའི་བུ་མཚམས་{བཟངས་,བཟང་}ལ་འདི་སྐད་ཅེས་སྨྲས་སོ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་
D97.046.0253a01.01ཆེན་པོ་ལ་ཡང་དག་པར་ཞུགས་པ་རྣམས་ལ་བཟོད་པར་གསོལ་མི་དགོས་སོ། །དེ་ཅིའི་ཕྱིར་ཞེ་ན། དེ་དག་ལ་འཁྲུག་པ་མེད་ཁྲོ་བ་མེད་པའི་ཕྱིར་རོ། །གང་དག་འཁྲུག་ཅིང་ཁྲོ་བ་དེ་དག་ལ་ནི་བཟོད་པ་གསོལ་དགོས་སོ། །ལྷའི་བུས་སྨྲས་པ། སྡིག་ཅན་བྱང་ཆུབ་སེམས་དཔའ་རྣམས་
D97.046.0253a02.01ཀྱི་བཟོད་པ་ཅི་འདྲ། བདུད་ཀྱིས་སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བཟོད་པ་ནི་རྣམ་པ་བཅུ་གཉིས་ཏེ། རྣམ་པ་བཅུ་གཉིས་གང་ཞེ་ན་འདི་ལྟ་སྟེ། བཅོས་མ་མ་ཡིན་པས་བསམ་པའི་བཟོད་པ་དང་། ཁོང་ཁྲོ་བ་མེད་པའི་སེམས་ཀྱིས་ལྷག་པའི་བསམ་པའི་བཟོད་པ་དང་།
D97.046.0253a03.01སེམས་ཅན་ཐམས་ཅད་ལ་མི་སླུ་བས་གཡོ་བ་མེད་པའི་བཟོད་པ་དང་། དབུལ་ཞིང་ཕོངས་པ་ཡོངས་སུ་སྐྱོབ་པས་སྙིང་བརྩེ་ཞིང་སྙིང་རྗེ་བའི་བཟོད་པ་དང་། ལྡོག་པ་མེད་པས་ཇི་སྐད་སྨྲ་བ་དེ་བཞིན་དུ་བྱེད་པའི་བཟོད་པ་དང་། ལྟ་བར་སོང་བ་དང་བྲལ་བས་སྟོང་པ་ཉིད་ཀྱི་བཟོད་པ་དང་། ཆོས་ཉིད་ལ་
D97.046.0253a04.01རྟོན་པས་ཆོས་ངེས་པར་སེམས་པའི་བཟོད་པ་དང་། བདག་མེད་པས་ཟབ་མོའི་བཟོད་པ་དང་། འཕགས་པའི་སྐྱེ་བོའི་རྗེས་སུ་འཇུག་པས་འཐུན་པའི་བཟོད་པ་དང་། རྟེན་ཅིང་འབྲེལ་པར་འབྱུང་བ་དང་འཐུན་པས་ཡང་དག་པའི་བཟོད་པ་དང་། སེམས་ཅན་ཐམས་ཅད་རྗེས་སུ་སྲུང་བས་ངོ་བྱེད་པ་ཡང་
D97.046.0253a05.01མེད་ལ་མི་འཐུན་པའང་མེད་པའི་བཟོད་པ་དང་། མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པའི་ཕྱིར་སྐྱེ་བ་མེད་ཅིང་འབྱུང་བ་མེད་པའི་བཟོད་པ་སྟེ། ལྷའི་བུ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བཟོད་པ་རྣམ་པ་བཅུ་གཉིས་སོ། །ལྷའི་བུས་སྨྲས་པ། སྡིག་ཅན་ཁྱོད་གལ་ཏེ་བཀྲོལ་ན་དགའ་བར་འགྱུར་
D97.046.0253a06.01རམ། བདུད་ཀྱིས་སྨྲས་པ། ལྷའི་བུ་ཁོ་བོ་དགའ་སྟེ་མཆོག་ཏུ་དགའོ། །དེ་ནས་ལྷའི་བུ་མཚམས་{བཟངས་ཀྱིས་,བཟང་གིས་}འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བདུད་སྡིག་ཅན་ཐོང་ཤིག་དང་རང་གི་གནས་སུ་འགྲོའོ། །དེ་ནས་འཇམ་དཔལ་གཞོན་ནུར་གྱུར་པས་བདུད་
D97.046.0253a07.01