完整藏文原文 · 德格版页 当前仅加载第 43 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་རབ་ཏུ་སྟོན་ཏོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་
D76.043.0226b01.01དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་ཉེ་བར་འཁོར་དང་། ཚེ་དང་ལྡན་པ་སྒྲ་གཅན་ཟིན་དང་། ཚེ་དང་ལྡན་པ་ནམ་གྲུ་དང་། ཚེ་དང་ལྡན་པ་ཀུན་དགའ་བོ་དང་།
D76.043.0226b02.01ཚེ་དང་ལྡན་པ་མ་འགགས་པ་དང་། དེ་དག་དང་གཞན་ཡང་ཉན་ཐོས་ཆེན་པོ་རབ་ཏུ་མང་པོ་རྣམས་སྔ་དྲོའི་དུས་ཀྱི་ཚེ་ཆོས་གོས་དང་ཤམ་ཐབས་བགོས་ནས་ལྷུང་བཟེད་ཐོགས་ཏེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་སོ། །དེ་ནས་ཉན་ཐོས་ཆེན་པོ་དེ་དག་རྒྱལ་པོའི་
D76.043.0226b03.01ཁབ་ཀྱི་གྲོང་ཁྱེར་ཆེན་པོར་མཐར་ཆགས་སུ་བསོད་སྙོམས་ཀྱི་ཕྱིར་རྒྱུ་ཞིང་མཐར་གྱིས་རྒྱལ་པོ་མ་སྐྱེས་དགྲའི་ཕོ་བྲང་ག་ལ་བ་དེར་དོང་སྟེ་ལྷགས་ནས་ཕྱོགས་གཅིག་ཏུ་ཅང་མི་སྨྲ་བར་འཁོད་དོ། །ཡང་དེའི་ཚེ་རྒྱལ་པོ་མ་སྐྱེས་དགྲའི་ཕོ་བྲང་ན་བུ་མོ་མྱ་ངན་མེད་ཀྱིས་བྱིན་པ་ཞེས་བྱ་བ་བཙས་ནས་ལོ་
D76.043.0226b04.01བཅུ་གཉིས་ལོན་པ་འདྲ་བ་གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ། སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་བསྐྱེད་པ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། བླ་ན་མེད་པའི་བྱང་ཆུབ་
D76.043.0226b05.01ལས་ཕྱིར་མི་ལྡོག་པ་དེ་རང་གི་ཕའི་ཁང་{བཟངས་,བཟང་}ན་ཁྲི་གསེར་གྱི་རྐང་པ་ཅན་ཡོད་པ་ལ་འདུག་པར་གྱུར་ཏོ། །དེ་ནས་བུ་མོ་མྱ་ངན་མེད་ཀྱིས་བྱིན་པས་ཉན་ཐོས་ཆེན་པོ་དེ་དག་མཐོང་ན་ཁྲི་དེ་ལས་མ་ལངས་ཏེ་བསྩུར་ཡང་མི་འགྲོ །ཕྱག་ཀྱང་མི་བྱེད། གཏམ་ཡང་མི་ཟེར། སྟན་ཡང་མི་འདིང་
D76.043.0226b06.01བསོད་སྙོམས་ཡང་མི་འབུལ་བར་ཁ་རོག་སྟེ་འདུག་གོ །དེ་ནས་རྒྱལ་པོ་མ་སྐྱེས་དགྲས་ཉན་ཐོས་ཆེན་པོ་དེ་དག་རྒྱལ་པོའི་ཕོ་བྲང་དུ་འོངས་ཞེས་ཐོས་ནས་རང་གི་ཁང་{བཟངས་ཀྱི་,བཟང་གི་}སྔ་ཁང་ག་ལ་བ་དེར་སོང་སྟེ་ཕྱིན་ནས་ཉན་ཐོས་ཆེན་པོ་དེ་དག་ལ་མཆོག་ཏུ་སྡུག་པར་འཛིན་པས་མངོན་པར་དགའ་
D76.043.0226b07.01