完整藏文原文 · 德格版页 当前仅加载第 43 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་གཟུགས་བྱས་ན་ནི། །མཛེས་པར་འགྱུར་ཏེ་བལྟ་བར་འོས་པ་ཡིན། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་ནོར་ཆེ་བར་འགྱུར་ཏེ། བཞི་གང་ཞེ་ན། འདི་ལྟ་སྟེ། དུས་སུ་སྦྱིན་པ་དང་། འགྱོད་པ་མེད་པར་སྦྱིན་པ་དང་།
D74.043.0217a01.01ཡིད་དུ་འོང་བ་སྦྱིན་པ་དང་། རྣམ་པར་སྨིན་པ་མི་རེ་བར་སྦྱིན་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་ནོར་ཆེ་བར་འགྱུར་རོ། །དེ་ལ་འདི་སྐད་ཅེས་བྱ་སྟེ། དུས་སུ་བྱིན་དང་འགྱོད་པ་མེད་པ་དང་། ཡིད་འོང་སྦྱིན་དང་རྣམ་སྨིན་མི་རེ་བ། །
D74.043.0217a02.01དཔའ་བོ་རྣམས་ནི་ལས་འདི་བྱས་པས་ན། །རྟག་ཏུ་ལོངས་སྤྱོད་ཆེན་པོ་ཐོབ་པ་ཡིན། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་འཁོར་མི་ཕྱེད་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། ཕྲ་མའི་ཚིག་སྤངས་པ་དང་། སེམས་ཅན་ལོག་པར་ལྟ་
D74.043.0217a03.01བ་རྣམས་ཡང་དག་པའི་ལྟ་བ་ཡང་དག་པར་འཛིན་དུ་འཇུག་ཅིང་འཇོག་པར་བྱེད་པ་དང་། དམ་པའི་ཆོས་འཇིག་པའི་ཚེ་དམ་པའི་ཆོས་སྲུང་བ་དང་། སེམས་ཅན་རྣམས་སངས་རྒྱས་ཀྱི་བྱང་ཆུབ་ཡང་དག་པར་འཛིན་དུ་འཇུག་ཅིང་འཇོག་པར་བྱེད་པ་སྟེ། བུ་མོ་བྱང་
D74.043.0217a04.01ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་འཁོར་མི་ཕྱེད་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། ཕྲ་མ་དེ་བཞིན་ལོག་པར་ལྟ་བ་སྤོང་། །དམ་ཆོས་འཇིག་པའི་ཚེ་ན་སྲུང་བ་བྱེད། །སེམས་ཅན་བྱང་ཆུབ་ཡང་དག་འཛིན་འཇུག་ན། །འཁོར་རྣམས་མི་ཕྱེད་
D74.043.0217a05.01ཕུན་སུམ་ཚོགས་པར་འགྱུར། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། སངས་རྒྱས་བཅོམ་ལྡན་འདས་རྣམས་ཀྱི་ཐད་དུ་རིན་པོ་ཆེ་ཆེན་པོའི་པདྨ་ལས་རྫུས་ཏེ་སྐྱེ་བར་འགྱུར་ཏེ། བཞི་གང་ཞེ་ན། འདི་ལྟ་སྟེ། ཕྱེ་མ་འམ། མེ་ཏོག་ཨུད་པ་ལ་འམ། པདྨ་འམ།
D74.043.0217a06.01ཀུ་མུ་དའམ། པདྨ་དཀར་པོས་ལག་པ་བཀང་སྟེ། དེ་བཞིན་གཤེགས་པའི་སྐུ་གཟུགས་སམ། དེ་བཞིན་གཤེགས་པའི་མཆོད་རྟེན་ལ་འབུལ་བ་དང་། གཞན་དག་ལ་ཡང་གནོད་སེམས་མི་སྐྱེད་པ་དང་། དེ་བཞིན་གཤེགས་པའི་སྐུ་གཟུགས་པདྨའི་གདན་
D74.043.0217a07.01