完整藏文原文 · 德格版页 当前仅加载第 43 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ང་རྒྱལ་ལ་སྤྱོད་པ་ཡིན་ནོ། །གལ་ཏེ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། །གལ་ཏེ་ཆོས་ཐམས་ཅད་ནི་བསམ་གྱིས་མི་ཁྱབ་པ་ཡིན་
D68.043.0128b01.01པས་འདི་ལ་བསམ་པར་བྱ་བ་མེད་དོ། །ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། །གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བསམ་གྱིས་མི་ཁྱབ་པ་ཡིན་པས་བསམ་པར་བྱ་བ་ཅི་ཡང་མེད་དོ། །ཞེས་དེ་སྙམ་སེམས་ན་དམིགས་པ་
D68.043.0128b02.01ཆེན་པོ་ཡིན་ཏེ། དེ་ནི་བྱང་ཆུབ་སེམས་དཔའི་ཐེག་པ་པའི་ལྷག་པའི་ང་རྒྱལ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ཙམ་གྱིས་ན། དགེ་སློང་ལྷག་
D68.043.0128b03.01པའི་ང་རྒྱལ་མ་མཆིས་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་བཀའ་སྩལ་ཏོ། །ཉེ་བར་འཁོར་དགེ་སློང་གང་ཐམས་ཅད་མཁྱེན་པའི་ཡེ་ཤེས་ཀྱི་རྒྱུ་འཐུན་པ། བསམ་གྱིས་མི་ཁྱབ་པ་ཉིད་ལ་
D68.043.0128b04.01མངོན་པར་ཞེན་པར་མི་བྱེད་ན་དེ་ནི་ཤིན་ཏུ་ལྷག་པའི་ང་རྒྱལ་མེད་པ་ཡིན་ནོ། །དེ་ནས་བཅོམ་ལྡན་འདས་བསམ་གྱིས་མི་ཁྱབ་པ་འདི་ཉིད་རྒྱ་ཆེར་སྟོན་ཅིང་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་བསམ་ཡས་ཆོས་རྣམས་འདི་ཤེས་པའི། །མི་རྣམས་
D68.043.0128b05.01དེ་དག་རྟག་ཏུ་བདེ་བ་ཡིན། །ཆོས་དང་ཆོས་མིན་རྣམ་རྟོག་མེད་པ་སྟེ། །ཐམས་ཅད་སེམས་ཀྱི་སྤྲོས་པས་ཕྱེ་བ་ཡིན། །ཐམས་ཅད་བསམ་ཡས་ཐམས་ཅད་བྱུང་མིན་པས། །དངོས་དང་དངོས་མེད་ཤེས་པ་རྣམ་པར་ཤིག །བྱིས་པ་གང་དག་སེམས་ཀྱི་དབང་སོང་
D68.043.0128b06.01བ། །དེ་དག་སྲིད་པ་བྱེ་བ་བརྒྱར་སྡུག་བསྔལ། །དགེ་སློང་གང་དག་བསམ་ཡས་ཡོད་མིན་པའི། །སངས་རྒྱས་མི་མཆོག་དེ་སེམས་ཚུལ་བཞིན་མིན། །རྟོག་པའི་དབང་གིས་སངས་རྒྱས་རྣམ་པར་བརྟགས། །རྟོག་པ་དེ་ཡང་ནམ་ཡང་བྱུང་མ་ཡིན། །གང་
D68.043.0128b07.01