完整藏文原文 · 德格版页 当前仅加载第 43 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་དོ། །ཇི་ལྟར་ཉོན་མོངས་པའི་དམིགས་པ་ཐམས་ཅད་ལ་བསགས་པ་མེད་པ་དེ་བཞིན་དུ་ཤེས་པ་གང་གིས་ཉོན་མོངས་པ་རྣམས་སྤངས་པའི་ཤེས་པ་དེ་ལ་ཡང་བསགས་པ་མེད་དེ། བཙུན་པ་ཤ་ར་དྭ་ཏིའི་བུ་གང་མི་གནས་པའི་ཤེས་པས་མི་གནས་པའི་ཉོན་མོངས་པ་རྣམས་སྤངས་
D66.043.0055a01.01པ་དེ་ཡང་ཆོ་འཕྲུལ་ཆེན་པོ་ཡིན་ནོ། །དེ་ནས་ལྷའི་བུ་དེད་དཔོན་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བྱང་ཆུབ་སེམས་དཔའ་རྣམས་ཀྱི་ཤེས་པ་གང་ཡིན་འཇམ་དཔལ་གྱིས་སྨྲས་པ། ལྷའི་བུ་སྡུག་བསྔལ་ཡོངས་སུ་ཤེས་པའི་ཤེས་པ་དང་། ཕུང་
D66.043.0055a02.01པོ་ཡོངས་སུ་སྤངས་པ་ལ་ཡོངས་སུ་སྐྱོ་བ་མེད་པའི་ཤེས་པ་དང་། ཀུན་འབྱུང་བ་ཤེས་པ་དང་། དགེ་བའི་རྩ་བ་ཡང་དག་པར་བསྡུ་བ་ཤེས་པ་དང་། འགོག་པ་ཤེས་པ་དང་། སྐྱེ་བ་ཤེས་པ་དང་། འབྱུང་བ་ཤེས་པ་དང་། ལམ་ཤེས་པ་དང་། ལམ་ངན་པ་རྣམ་པར་བཅད་པ་ཤེས་པ་དང་། རྒྱུ་
D66.043.0055a03.01ཤེས་པ་དང་། ཆུད་མི་ཟ་བ་ཤེས་པ་དང་། འབྲས་བུ་ཤེས་པ་དང་། མངོན་སུམ་དུ་བྱ་བ་སྤང་བ་ཤེས་པ་དང་། རྐྱེན་ཤེས་པ་དང་། ཚོགས་བསགས་པ་ཤེས་པ་དང་། བདེན་པ་ཤེས་པ་དང་། སངས་རྒྱས་ཀྱི་ཡེ་ཤེས་ལ་ལྟ་ཞིང་ཐོབ་པར་བྱ་བ་ཤེས་པ་དང་། རྟེན་ཅིང་འབྲེལ་པར་འབྱུང་བ་ཤེས་པ་
D66.043.0055a04.01དང་། འབྱུང་བ་ལ་མངོན་པར་ཞེན་པ་མེད་པ་ཤེས་པ་དང་། ཕུང་པོ་ཤེས་པ་དང་། ཕུང་པོའི་བདུད་སྤང་བ་ཤེས་པ་དང་། ཁམས་ཤེས་པ་དང་། ཆོས་ཀྱི་དབྱིངས་དབྱེར་མེད་པ་ཤེས་པ་དང་། སྐྱེ་མཆེད་ཤེས་པ་དང་། གྲོང་སྟོང་པ་ལྟ་བུར་སོ་སོར་རྟོག་པའི་ཤེས་པ་དང་། སྦྱིན་པ་ཤེས་པ་དང་། དུས་
D66.043.0055a05.01དང་དུས་མ་ཡིན་པ་ལས་མི་འདའ་བ་ཤེས་པ་དང་། ཚུལ་ཁྲིམས་ཤེས་པ་དང་། ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱ་བ་ཤེས་པ་དང་། བཟོད་པ་ཤེས་པ་དང་། སེམས་ཅན་རྗེས་སུ་སྲུང་བ་ཤེས་པ་དང་། བརྩོན་འགྲུས་ཤེས་པ་དང་། ལེགས་པར་བྱས་པའི་ལས་བྱ་བ་
D66.043.0055a06.01ཤེས་པ་དང་། བསམ་གཏན་ཤེས་པ་དང་། བསམ་གཏན་ལས་ལྡོག་པ་ཤེས་པ་དང་། ཤེས་རབ་ཤེས་པ་དང་། ལྟ་བ་ཡོངས་སུ་ཤེས་པ་དང་། ཐབས་ཤེས་པ་དང་། སེམས་ཅན་ཡོངས་སུ་སྨིན་པར་བྱ་བ་ཤེས་པ་དང་། བྱམས་པ་ཤེས་པ་དང་། སེམས་ཅན་བསྐྱབ་པ་ཤེས་
D66.043.0055a07.01