完整藏文原文 · 德格版页 当前仅加载第 42 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་སེམས་སོ། །མཽད་གལ་ངས་བྱང་ཆུབ་སེམས་དཔའི་སྤྱད་པ་སྤྱོད་པའི་དབང་གིས་སངས་རྒྱས་ཀྱི་ཆོས་དང་ཉེ་བར་གྱུར་ཀྱང་། བདག་གི་ལོངས་སྤྱོད་ལ་བདག་ཀྱང་སྐལ་བ་ཡོད། སེམས་ཅན་ཡང་སྐལ་བ་ཡོད་དོ་སྙམ་དུ་མི་སེམས་ཀྱི། ལོངས་སྤྱོད་འདི་
D61.042.0217a01.01དག་ནི་སེམས་ཅན་རྣམས་ཀྱི་ཡིན་པས་བདག་ལ་སྐལ་བ་ཅི་ཡང་མེད་དོ་སྙམ་དུ་སེམས་པ་ཁོ་ནར་ཟད་དོ། །མཽད་གལ་ངས་སངས་རྒྱས་ཀྱི་ཆོས་དང་ཉེ་བར་གྱུར་པ་རྗེས་སུ་ཐོབ་པར་གྱུར་ཀྱང་དེ་ལ་མངོན་པར་ཞེན་པ་ཡང་མེད། ཡོངས་སུ་སྡུད་ཅིང་ལེན་པར་ཡང་མི་བྱེད་པས་ཆོས་རྣམས་
D61.042.0217a02.01ཡོངས་སུ་སྤོང་བ་ལ་མོས་པར་བྱེད་ཀྱི། ཆོས་རྣམས་དང་དུ་ལེན་པ་ལ་མོས་པར་མི་བྱེད་དོ། །སྟོང་པའི་ཆོས་ཐམས་ཅད་ལ་མོས་པར་བྱེད་ཀྱི། ཡོད་པའི་ཆོས་ཐམས་ཅད་ལ་མོས་པར་མི་བྱེད་དོ། །ཉེ་བར་ཞི་བའི་ཆོས་ཐམས་ཅད་ལ་མོས་པར་བྱེད་ཀྱི། ཆོས་རྣམས་ཀྱི་
D61.042.0217a03.01དངོས་པོའི་མཚན་ཉིད་ལ་མོས་པར་མི་བྱེད་དོ། །གཟོད་མ་ནས་མེད་པ་ཉིད་ལ་མོས་པར་བྱེད་ཀྱི། བཟོད་མ་ནས་ཡོད་པ་ཉིད་ལ་མོས་པར་མི་བྱེད་དོ། །མཽད་གལ་ངས་མངོན་པར་དྲན་ཏེ། ངས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་ཚེ་རབས་བརྒྱ་སྟོང་ཚད་མེད་པ་སྙེད་དུ་
D61.042.0217a04.01མཚན་མོ་མུན་པའི་ནང་ན་རང་གི་ལུས་ལ་མེས་སྦར་ནས་ལམ་སྟོར་བའི་སེམས་ཅན་རྣམས་སྣང་བར་བྱས་ཏེ་ལམ་བསྟན་ཏོ། མཽད་གལ་ངས་མངོན་པར་དྲན་ཏེ། ངས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་ཚེ་རབས་བརྒྱ་སྟོང་ཚད་མེད་པ་སྙེད་དུ་ཤ་ཟ་བའི་སེམས་ཅན་རྣམས་
D61.042.0217a05.01ལ་རང་གི་ཤ་བཅད་ནས་སྦྱིན་པ་ཡོངས་སུ་བཏང་ངོ་། །མཽད་གལ་ངས་མངོན་པར་དྲན་ཏེ། ངས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་ཚེ་རབས་བརྒྱ་སྟོང་ཚད་མེད་པ་སྙེད་དུ་ཁྲག་འཐུང་བའི་སེམས་ཅན་རྣམས་ལ་ལུས་ལས་ཁྲག་ཕྱུང་སྟེ་སྦྱིན་པ་ཡོངས་སུ་བཏང་ནས་རབ་ཏུ་
D61.042.0217a06.01ཚིམ་པར་བྱས་སོ། །མཽད་གལ་མདོར་ན་འཇིག་རྟེན་པའི་ནོར་རྫས་སམ་ལོངས་སྤྱད་པར་བྱ་བ་ཅི་ཡང་རུང་སྟེ། སེམས་ཅན་རྣམས་ལ་ནམ་ཡང་ཕངས་ཤིང་སེར་སྣ་བྱས་མ་མྱོང་སྟེ་ཐམས་ཅད་ཀྱང་སེམས་ཅན་རྣམས་ལ་འཚེ་བ་མེད་པ། གནོད་པ་མེད་པ། མཁས་པ་རྣམས་ཀྱིས་
D61.042.0217a07.01