完整藏文原文 · 德格版页 当前仅加载第 41 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་སེམས་དཔའི་ཕན་ཡོན་ནོ། །ཤཱ་རིའི་བུ་གཞན་ཡང་འདི་ལ་བྱང་ཆུབ་སེམས་དཔའ་ཤེས་རབ་ཀྱི་རྒྱུ་འཐུན་པ་ལ་མཁས་པ་ཡིན་ཏེ། དེ་འདི་ལྟར་ཤེས་རབ་གང་ནས་བྱུང་སྙམ་དུ་ཉེ་བར་རྟོག་ཅིང་དེ་འདི་སྙམ་དུ་སེམས་ཏེ། ཤེས་རབ་ནི་ཚུལ་ཁྲིམས་ཀྱི་སྡོམ་པའི་གནས་ལས་
D59.041.0271a01.01བྱུང་སྟེ། ཤེས་རབ་བྱུང་བ་ལས་ཆོས་དཀར་པོ་ཐམས་ཅད་རྣམ་པར་འཕེལ་ལོ་སྙམ་ནས་དེ་ཤེས་རབ་ལ་སློབ་སྟེ། གང་འཇིག་རྟེན་གྱི་བཟོའི་གནས་དང་། ལས་ཀྱི་གནས་དང་། སྔགས་ཀྱི་གནས་དང་། སྨན་གྱི་གནས་དང་། གང་བྱ་དཀའ་བ་དང་། བསྒྲུབ་དཀའ་བའི་ལས་དེ་དག་ཐམས་ཅད་ལ་སློབ་
D59.041.0271a02.01བོ། །བསླབས་ནས་ཀྱང་དེ་འདི་ལྟར་སེམས་བསྐྱེད་དེ། གང་འཇིག་རྟེན་པའི་ཤེས་རབ་འདི་ནི་ཡིད་འབྱུང་བར་མ་ཡིན། འདོད་ཆགས་དང་བྲལ་བར་མ་ཡིན། འགོག་པར་མ་ཡིན། ཞི་བར་མ་ཡིན། མངོན་པར་ཤེས་པར་མ་ཡིན། མངོན་པར་རྫོགས་པར་བྱང་ཆུབ་པར་མ་ཡིན། དགེ་སྦྱོང་དུ་མ་ཡིན།
D59.041.0271a03.01མྱ་ངན་ལས་འདའ་བར་འགྱུར་བ་མ་ཡིན་གྱིས། འདི་ལྟར་བདག་གིས་ཤེས་རབ་གང་གིས་ཤིན་ཏུ་ཞི་བར་འགྱུར་བའི་བཟོ་རྣམ་པ་དེ་ལྟ་བུ་དང་། སྔགས་རྣམ་པ་དེ་ལྟ་བུ་དང་། སྨན་རྣམ་པ་དེ་ལྟ་བུ་དང་། ཤེས་རབ་རྣམ་པ་དེ་ལྟ་བུ་ཡོངས་སུ་བཙལ་ལོ་སྙམ་ནས་དེ་ཆོས་ཐམས་ཅད་ཀྱི་ཐོག་མ་ཡོངས་སུ་ཚོལ་ལོ། །
D59.041.0271a04.01དེ་ཆོས་ཐམས་ཅད་ཀྱི་ཐོག་མ་ཡོངས་སུ་ཚོལ་བ་ན་ཆོས་གང་ཡང་ཆོས་གང་ལ་ཡང་ཉེ་བར་འཇོག་པའི་ཆོས་དེ་གང་ཡང་ཡང་དག་པར་རྗེས་སུ་མི་མཐོང་ངོ་། །ཡང་དག་པར་རྗེས་སུ་མི་མཐོང་བས་རབ་ཏུ་ཞི་བ་ལ་གནས་པར་འགྱུར་རོ། །རབ་ཏུ་ཞི་བར་སྤྱོད་པ་ལ་གནས་ནས་ཡོངས་སུ་ཡི་མི་འཆད་དོ། །ཡོངས་
D59.041.0271a05.01སུ་ཡི་མི་འཆད་པས་དེ་སེམས་ཅན་རྣམས་ཀྱི་དོན་དུ་འདི་ལྟ་སྟེ། སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱ་བའི་ཕྱིར་བསམས་བཞིན་དུ་སྲིད་པ་འཛིན་ཏེ། ཤཱ་རིའི་བུ་ཆོས་དྲུག་པོ་དེ་དག་དང་ལྡན་ན་བྱང་ཆུབ་སེམས་དཔའ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
D59.041.0271a06.01རྫོགས་པར་འཚང་རྒྱ་ཞིང་སྨོན་ལམ་ལས་མི་ཉམས་ལ། འཇིག་རྟེན་ཐམས་ཅད་ལས་མངོན་པར་འཕགས་པའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ཡང་ཡོངས་སུ་རྫོགས་པར་འགྱུར་རོ། །ཤཱ་རིའི་བུ་གཞན་ཡང་ཆོས་བདུན་དང་ལྡན་ན་བྱང་ཆུབ་སེམས་དཔའ་སྨོན་ལམ་ལས་མི་
D59.041.0271a07.01