'phags pa tshe dang ldan pa dga' bo la mngal du 'jug pa bstan pa zhes bya ba theg pa chen po'i mdo/
当前为德格木刻版 244a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 244a
- 可引用原文
- 7 行
- 全文规模
- 全经 161 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 41 函 · 德格 244a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文མཚན་མ་རྣམས་རབ་ཏུ་གསལ་བར་བྱེད་དེ། ཐམས་ཅད་ཀྱང་འདས་པའི་དུས་སུ་ལས་རྣམས་མངོན་པར་འདུས་བྱས་པའི་བྱེ་བྲག་མི་མཚུངས་པས་རྣམ་པ་ཇི་ལྟ་བ་བཞིན་དུ་ཁ་དོག་རྣམ་པ་སྣ་ཚོགས་དང་ལྡན་པར་འགྱུར་བས་ཁ་ཅིག་ནི་ཁ་དོག་དཀར་པོར་འགྱུར། ཁ་ཅིག་ནི་ཁ་དོག་ནག་པོར་འགྱུར། ཁ་ཅིག་ནི་ཁ་དོག་དཀར་བ་ཡང་མ་ཡིན། གནག་པ་ཡང་མ་ཡིན་པར་འགྱུར། ཁ་ཅིག་ནི་ཁ་དོག་སྔོན་པོར་འགྱུར། ཁ་ཅིག་ནི་ཁ་དོག་རྩུབ་ཅིང་སྐམ་པར་འགྱུར། ཁ་ཅིག་ནི་ཁ་དོག་སྣུམ་པར་འགྱུར་ཏེ། འདི་ལྟ་བུའི་ཁ་དོག་གི་མཚན་ཉིད་དང་ལྡན་པར་འགྱུར་རོ། །ཞག་
བདུན་ཕྲག་སུམ་ཅུ་པ་ལ་མའི་མངལ་ན་གནས་པའི་ཚེ་ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ལྕགས་ཀྱི་སྒོ་ཞེས་བྱ་སྟེ། རླུང་དེའི་སྟོབས་ཀྱིས་དེའི་སྐྲ་དང་། སྤུ་དང་། སེན་མོ་རྣམས་རབ་ཏུ་སྐྱེད་པ་དང་། ཁ་དོག་དཀར་ནག་རྣམས་རབ་ཏུ་གསལ་བར་བྱེད་དེ་ལས་ཀྱི་རྐྱེན་གྱིས་མཚན་མ་འདི་དང་འདི་དག་འབྱུང་བར་འགྱུར་རོ། །ཞག་བདུན་ཕྲག་སུམ་ཅུ་གཅིག་པ་ནས་ཞག་བདུན་ཕྲག་སུམ་ཅུ་ལྔ་པའི་བར་དུ་མའི་མངལ་ན་གནས་པའི་ཚེ་ནི་ལུས་ཀྱི་མཚན་མ་རྣམས་ཆེར་སྐྱེ་བར་འགྱུར་བས་མཐར་གྱིས་ལུས་ཀྱི་ཡན་ལག་ཕུན་སུམ་ཚོགས་ཤིང་ཡངས་པར་འགྱུར་རོ། །ཞག་བདུན་ཕྲག་སུམ་
ཅུ་དྲུག་པ་ལ་མའི་མངལ་ན་གནས་པའི་ཚེ་ནི་དེ་འབྱུང་བའི་བསམ་པ་སྐྱེ་བས་མངོན་པར་མི་དགའ་བར་འགྱུར་རོ། །ཞག་བདུན་ཕྲག་སུམ་ཅུ་བདུན་པ་ལ་མའི་མངལ་ན་གནས་པའི་ཚེ་ནི་ཕྱིན་ཅི་ལོག་ཏུ་མ་གྱུར་པའི་འདུ་ཤེས་རྣམ་པ་ལྔ་འབྱུང་བར་འགྱུར་རོ། །ལྔ་གང་ཞེ་ན། མི་གཙང་བའི་འདུ་ཤེས་དང་།དྲི་མི་ཞིམ་པའི་འདུ་ཤེས་དང་། བཙོན་རའི་འདུ་ཤེས་དང་། མུན་ནག་གི་འདུ་ཤེས་དང་། ཡོངས་སུ་སྐྱོ་ནས་ཕྱིར་འབྱུང་བའི་འདུ་ཤེས་སྐྱེ་བ་གང་ཡིན་པ་སྟེ། མངལ་ན་གནས་པ་དེ་ཡོངས་སུ་སྐྱོ་བའི་བསམ་པ་དེ་ལྟ་བུ་དག་སྐྱེ་བར་འགྱུར་རོ། །ཞག་བདུན་ཕྲག་སུམ་ཅུ་བརྒྱད་པ་ལ་མའི་མངལ་ན་
གནས་པའི་ཚེ་ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཐོགས་པའི་རྐྱེན་ཅེས་བྱ་སྟེ། རླུང་དེའི་སྟོབས་ཀྱིས་དེ་རབ་ཏུ་སྒྱུར་བར་བྱེད་དོ། །གཞན་ཡང་ཁ་ཐུར་དུ་ལྟ་བ་ཞེས་བྱ་བའི་རླུང་འབྱུང་སྟེ། དེའི་མགོ་ཐུར་དུ་ལྟ་ཞིང་ལག་པ་གཉིས་བརྐྱང་སྟེ། མཐར་གྱིས་འབྱུང་བར་འདོད་པར་འགྱུར་རོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D58
- 德格版页
- 244a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0058 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。