完整藏文原文 · 德格版页 当前仅加载第 41 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་མངལ་ན་གནས་པ་དེའི་དབང་པོ་བཞི་པོ་མིག་དང་། རྣ་བ་དང་། སྣ་དང་། ལྕེའི་དབང་པོ་དག་མངོན་པར་འགྲུབ་པར་བྱེད་དོ། །དང་པོ་མའི་མངལ་དུ་འཇུག་པའི་ཚེ་ཐོག་མ་ཁོ་ནར་དབང་པོ་གསུམ་ཐོབ་པར་འགྱུར་ཏེ། འདི་ལྟ་སྟེ། ལུས་དང་། སྲོག་དང་།
D57.041.0217a01.01ཡིད་ཀྱི་དབང་པོ་གང་ཡིན་པའོ། །དགའ་བོ་ཞག་བདུན་ཕྲག་ཉི་ཤུ་པ་ལ་ནི་མའི་མངལ་ནས་ཤིན་ཏུ་བརྟན་པ་ཞེས་བྱ་བའི་རླུང་འབྱུང་སྟེ། རླུང་དེས་མངལ་ན་གནས་པ་དེའི་རྐང་པ་གཡོན་པ་ལ་བརྟེན་ཏེ། མོའི་རུས་པ་ཉི་ཤུ་སྐྱེད་པར་བྱེད་དོ། །རྐང་པ་གཡས་པ་ལ་བརྟེན་ཏེ་རུས་པ་ཉི་ཤུ་
D57.041.0217a02.01དང་། རྐང་པའི་རྟིང་པའི་རུས་པ་བཞི་དང་། རྗེ་ངར་གྱི་རུས་པ་གཉིས་དང་། པུས་མོའི་རུས་པ་གཉིས་དང་། བརླའི་རུས་པ་གཉིས་དང་། རྐེད་པའི་རུས་པ་གསུམ་དང་། ལོང་བུའི་རུས་པ་གསུམ་དང་། སྒལ་ཚིགས་ཀྱི་རུས་པ་{བཅྭ་,བཅོ་}བརྒྱད་དང་། རྩིབ་མའི་རུས་པ་ཉི་ཤུ་རྩ་བཞི་
D57.041.0217a03.01སྐྱེད་པར་བྱེད་དོ། །གཞན་ཡང་ལག་པ་གཡོན་པ་ལ་བརྟེན་ཏེ་སོར་མོའི་ཚིགས་ཀྱི་རུས་པ་ཉི་ཤུ་དང་། ལག་པ་གཡས་པ་ལ་བརྟེན་ཏེ་སོར་མོའི་ཚིགས་ཀྱི་རུས་པ་ཉི་ཤུ་སྐྱེད་པར་བྱེད་དོ། །གཞན་ཡང་ལག་ངར་གྱི་རུས་པ་བཞི་དང་། དཔུང་པའི་རུས་པ་གཉིས་དང་། བྲང་གི་རུས་པ་
D57.041.0217a04.01བདུན་དང་། ཕྲག་པའི་རུས་པ་བདུན་དང་། གཉའ་བའི་རུས་པ་བཞི་དང་། འགྲམ་པའི་རུས་པ་གཉིས་དང་། སོའི་རུས་པ་སུམ་ཅུ་རྩ་གཉིས་དང་། མགོའི་རུས་པ་བཞི་སྐྱེད་པར་བྱེད་དེ། དགའ་བོ་འདི་ལྟ་སྟེ་དཔེར་ན། གཟུགས་མཁན་ནམ། གཟུགས་མཁན་གྱི་སློབ་མ་མཁས་པས་
D57.041.0217a05.01སྔར་ནི་ཤིང་སྲ་བ་ལས་དེའི་དབྱིབས་བྱས་ནས་དེའི་འོག་ཏུ་སྲད་བུས་བཅིངས་ཏེ་ཕྱིས་འཇིམ་པ་རྣམས་བསྐུས་ནས་གཟུགས་བརྙན་མངོན་པར་འགྲུབ་པར་བྱེད་པ་དེ་བཞིན་དུ་ལས་ཀྱི་རླུང་གི་སྟོབས་དེས་རུས་པ་རྣམས་རྣམ་པར་གཞོག་པ་ཡང་དེ་བཞིན་དུ་བལྟ་བར་བྱའོ། །དགའ་བོ་དེ་ལྟར་ཞག་བདུན་ཕྲག་ཉི་
D57.041.0217a06.01ཤུ་པ་ལ་ནི་རུས་པ་ཕྲ་མོ་མ་གཏོགས་པར་རུས་པ་ཆེན་པོ་སྐྱེ་བའི་གྲངས་ནི་ཉིས་བརྒྱ་ཡོད་པར་རིག་པར་བྱའོ། །དགའ་བོ་ཞག་བདུན་ཕྲག་ཉི་ཤུ་གཅིག་པ་ལ་མའི་མངལ་ནས་ཡང་དག་སྐྱེད་པ་ཞེས་བྱ་བའི་རླུང་འབྱུང་སྟེ། མངལ་ན་གནས་པ་དེའི་ལུས་ལ་ཤ་སྐྱེད་པར་བྱེད་པ་འདི་ལྟ་སྟེ། དཔེར་ན་ཞལ་
D57.041.0217a07.01