完整藏文原文 · 德格版页 当前仅加载第 34 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེའི་ཁང་{བཟངས་,བཟང་}རྣམས་ལ་ཤིན་ཏུ་མི་དགའ་བར་གྱུར་ནས་ངེས་པར་འབྱུང་བའི་འདོད་པ་སྐྱེས་སོ། །ཐམས་ཅད་སྟོང་ཕྲག་བཅུའི་ཁོར་ཡུག་གི་ལྷ་རྣམས་ལྷའི་མེ་ཏོག་ལ་སོགས་པ་ལག་པས་བླངས་ནས་འཇིག་རྟེན་གྱི་འཁོར་ལོ་འདི་གཅིག་ཏུ་འདུས་ཏེ། དུང་གི་རྒྱལ་པོ་ལ་སོགས་པའི་
D35.034.0267b01.01སྐྱེ་བོ་ཆེན་པོས་བཟུང་ནས་དྲི་བཟང་དང་ཕྲེང་བ་དང་བདུག་སྤོས་ལ་སོགས་པས་ཁང་{བཟངས་,བཟང་}ལ་བསྐོར་ནས་འདུག་གོ། །ནམ་མཁའི་ལྷ་རྣམས་ཀྱིས་ལྷའི་མེ་ཏོག་ལག་པས་བཟུང་ནས་ལེགས་སོ་ཞེས་བྱ་བའི་སྒྲ་གཅིག་ཏུ་འབྱིན་པར་བྱེད་དོ། །འོག་མིན་གྱི་བར་དུ་ཐམས་ཅད་སྒྲ་གཅིག་ཏུ་བྱེད་ཅིང་
D35.034.0267b02.01གནས་སོ། །དེའི་དུས་སུ་རིན་པོ་ཆེའི་ཁང་{བཟངས་,བཟང་}རྫ་མཁན་གྱི་འཁོར་ལོ་ལྟར་འཁོར་ཞིང་ནམ་མཁའ་ལ་འགྲོའོ། །ཟླ་བ་ཉ་བ་ལ་རྒྱུ་སྐར་གྱི་ཕྲེང་བས་བསྐོར་བ་བཞིན་ནོ། །བྱང་ཆུབ་སེམས་དཔའི་བཙུན་མོ་ཆེན་མོ་ལ་སོགས་པ་ནམ་མཁའ་ལ་བཞུད་དོ། །གང་ཞིག་སེམས་དཔའ་
D35.034.0267b03.01ཆེན་པོ་དང་འགྲོགས་ནས་འགྲོ་བའི་སེམས་ཀྱིས་དེ་རྣམས་ཀྱིས་རང་རང་གི་ནམ་མཁའ་མཐོང་སྟེ་ཚངས་པ་ཆེན་པོས་དཔག་ཚད་གསུམ་གྱི་ཚད་དང་མཉམ་པའི་གདུགས་དཀར་པོ་འཛིན་ནོ། །བརྒྱ་བྱིན་ལྷའི་རྒྱལ་པོས་དུང་ལ་སོགས་པ་བཟུང་ནས་འབུད་དོ། །དེ་ལྟར་དཔལ་དང་སྐལ་བ་
D35.034.0267b04.01བཟང་པོ་དང་ལྡན་པའི་ལྷ་དང་མིའི་ཚོགས་ཀྱིས་བསྐོར་ནས་ཁང་{བཟངས་ཀྱི་,བཟང་གི་}ཀླུ་ཤིང་བྱང་ཆུབ་ཤིང་དྲུང་དུ་གཤེགས་སོ། །དེའི་ཚད་ནི། ཁྲུ་བརྒྱ་ཉི་ཤུ་ཡལ་གའི་བར། །ཡལ་གའི་མཐོ་ཚད་དེ་དང་མཉམ། །འཁྲིལ་ནས་སྟེང་ནས་འོག་ཏུ་འཕྱང་། །རྨ་བྱའི་གདུགས་བཞིན་མཛེས་
D35.034.0267b05.01པའོ། །རྟག་ཏུ་རྩེ་མོར་མེ་ཏོག་གསལ། །ལྷ་ཡི་དྲི་བཟང་བསུང་ལྡན་ཞིང་། །གེ་སར་ཕུལ་ལུ་གང་ཙམ་མོ། །མེ་ཏོག་བཟང་པོ་འཁོར་ལོ་ཙམ། །ཕྱོགས་ཕྱོགས་རླུང་གིས་འཁྱེར་བར་བྱེད། །དཔག་ཚད་བཅུ་རུ་ཁྱབ་པའོ། །སྟེང་གི་མེ་ཏོག་འོག་ཏུ་ལྷུང་། །བྱང་ཆུབ་
D35.034.0267b06.01སྙིང་པོར་མེ་ཏོག་བརྩེགས། །དེའི་དུས་སུ་ནམ་མཁའ་ལ་འགྲོ་བའི་བྱ་རྣམ་པ་སྣ་ཚོགས་པའི་ཚོགས་ཀྱིས་སྒྲ་སྙན་པས་མཆོད་དེ། དེ་ལྟར་ཀླུ་ཤིང་གི་བྱང་ཆུབ་ཀྱི་ཤིང་དྲུང་དུ་གཤེགས་ཏེ་ནམ་མཁའ་ལ་འཕྱང་ཞིང་སའི་ཆ་ཐམས་ཅད་ཉམས་དགའ་བའི་གནས་སུ་སྡོད་དོ། །དེ་ལ་ཞག་
D35.034.0267b07.01