完整藏文原文 · 德格版页 当前仅加载第 34 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་འབྱིན། །དཎ་ཊ་མཱ་ན་བྱཱ་དཀར་དང་། །དུས་ཀུན་དུ་ནི་མཛེས་པར་བྱེད། །ལུས་ངན་རྒྱལ་པོའི་རྫིང་རྟག་མཛེས། །འདི་ནི་བྱང་གི་ཕྱོགས་ཀྱི་ཡུལ། །སྐྱེ་བོ་རྣམས་ནི་འདི་བཞིན་བརྗོད། །དེ་ཡི་ཕྱོགས་ནི་ཡོངས་སྐྱོང་བའི། །རྒྱལ་པོ་ཆེན་པོ་གྲགས་དང་ལྡན། །གནོད་སྦྱིན་རྣམས་ཀྱི་
D33.034.0257b01.01བདག་པོ་སྟེ། །འདི་ཡི་མིང་ནི་ལུས་ངན་པོ། །གནོད་སྦྱིན་འཁོར་དང་བཅས་པ་ནི། །གླུ་དང་གར་གྱིས་དགའ་བར་བྱེད། །དེ་ཡི་བུ་ནི་མང་པོ་རྣམས། །མིང་ནི་གཅིག་ཏུ་ཐོས་པ་སྟེ། །དབང་པོ་ཞེས་བྱ་སྟོབས་དང་ལྡན། །དེ་ནི་དགུ་བཅུ་རྩ་གཅིག་གོ། །དེ་ཡང་སངས་རྒྱས་མཐོང་བ་དང་། །
D33.034.0257b02.01ཉི་མའི་གཉེན་གྱི་སངས་རྒྱས་ནི། །འཇིགས་དང་བྲལ་བ་ཆེན་པོ་ལ། །ཐག་རིང་ནས་ནི་ཕྱག་བགྱིའོ། །སྐྱེས་བུ་ཅང་མཁྱེན་ཁྱེད་ཕྱག་འཚལ། །སྐྱེས་བུ་མཆོག་ཁྱོད་ཕྱག་འཚལ་ལོ། །དགེ་བ་རྟག་ཏུ་གསུང་བ་ལ། །མི་མ་ཡིན་རྣམས་ཁྱེད་ཕྱག་འཚལ། །རྟག་ཏུ་འདི་ནི་ཉན་པའོ། །དེ་
D33.034.0257b03.01ཕྱིར་དེ་ལྟར་འདི་བརྗོད་དོ། །རྒྱལ་བ་གཽ་ཏམ་ཕྱག་གྱིས་ཤིག །རྒྱལ་བ་གཽ་ཏམ་ཕྱག་བགྱིད་དོ། །རིག་པ་དང་ནི་ཞབས་སུ་ལྡན། །སངས་རྒྱས་གཽ་ཏམ་ཕྱག་འཚལ་ལོ། །འདིར་ནི་དྲང་སྲོང་ཆེན་པོ་ལྕང་ལོ་ཅན་དང་བཅས་པས་སྲུངས་ཤིག །དགེ་སློང་ངམ་དགེ་སློང་མ་འམ། དགེ་བསྙེན་ནམ་
D33.034.0257b04.01དགེ་བསྙེན་མ་རྣམས་ལ་བསྲུང་བ་དང་། སྦ་བ་དང་། འཚེ་བ་མེད་པ་དང་། བདེ་བ་དང་ལེགས་པར་གནས་སོ། །དྲང་སྲོང་ཆེན་པོ་གང་སུ་དག་དགེ་སློང་དང་བཅས་པ་འམ་དགེ་སློང་མ་དང་བཅས་པ་འམ། དགེ་བསྙེན་དང་བཅས་པ་འམ་དགེ་བསྙེན་མ་དང་བཅས་པ་རྣམས་དང་། འདིར་ལྕང་
D33.034.0257b05.01ལོ་ཅན་གྱི་ཕོ་བྲང་གིས་དེ་བསྲུང་བ་དང་། ཡོངས་སུ་རྫོགས་པ་ཐམས་ཅད་ཡོངས་སུ་ཟུང་ཤིག །དེ་ཡང་མི་མ་ཡིན་རྣམས་སོ། །གནོད་སྦྱིན་ནམ་གནོད་སྦྱིན་མོ་འམ་གནོད་སྦྱིན་གྱི་བུ་ཕོ་འམ་གནོད་སྦྱིན་གྱི་བུ་མོ་འམ་གནོད་སྦྱིན་གྱི་བློན་པོ་ཆེན་པོ་འམ་གནོད་སྦྱིན་གྱི་འཁོར་རམ་གནོད་
D33.034.0257b06.01སྦྱིན་གྱི་གཡོག་འཁོར་རམ། དྲི་ཟ་ཕོ་འམ་དྲི་ཟ་མོ་འམ་དྲི་ཟའི་བུ་ཕོ་འམ་དྲི་ཟའི་བུ་མོ་འམ་དྲི་ཟའི་བློན་པོ་ཆེན་པོ་འམ་དྲི་ཟའི་འཁོར་རམ་དྲི་ཟའི་གཡོག་འཁོར་རམ། གྲུལ་བུམ་ཕོ་འམ་གྲུལ་བུམ་མོ་འམ་གྲུལ་བུམ་གྱི་བུ་ཕོ་འམ་གྲུལ་བུམ་གྱི་བུ་མོ་འམ་གྲུལ་བུམ་གྱི་བློན་པོ་ཆེན་པོ་འམ་
D33.034.0257b07.01